متلازمة المثقف / الفنان – أحمد فولة

by M. A.

 أي مثقف فنان٠٠ وكل فنان مثقف، حتى يثبت العكس

مش عارف سبب اقتناع ناس كتير أعرفهم بالجملة دي، حتى ولو كان ضمنياً، يعني بشكل غير واعي.  ممكن يرفضوها دلوقتي وهية مكتوبة قدامهم، بس أفتكر أن أفعالهم أو ردود أفعالهم ذات العلاقة بأحد المجالين بتأكد صحة العبارة ٠٠

عن نفسي.. مش شايف إن الثقافة أو القن يمكن تصنيفهم تحت بند المهن أو الأدوار، وبما إننا “بنغير” قلت أشارككم الفكرة

***

يعني مثلاً ممكن تقولوا إني بعتبر الفن أو الثقافة صفات، زي الكرم والسماحة والطمع، وبيأثروا ف أي شخص بنسب متفاوتة.  وده اللي بيخليني أعتبر إن موافقتنا الضمنية على مسمى “نقابة الفنانين” تقابلها موافقة ضمنية لما يسمى بــ “نقابة الأشراف” مثلاً

ولو اعتبرنا مجازاً ضرورة  لوجود “وزارة الثقافة”، فمفيش مانع إن يكون فيه وزارة للحضارة وواحدة للأخلاق وكل ما يجد من مقترحات مشابهة

***

ف الأول كنت فاكر إن الموضوع شاغلني زيادة عن اللزوم، بس لما بدأت أشوف أعمال لا تندرج تحت أي تصنيفات فنية، بالرغم من كونها لا تقل جودة على مستوى الفكرة والتنفيذ عن أعمال فنية أقدرها، بدأت أفكر أكتر ف الفن من مدخل التوصيف: مفيش مانع أنك تضيف كلمة “فن” لأي مجال علمي كعنوان لدراسة تحمل خبرات خاصة في هذا المجال، زي ما تقول: فن جراحة العظام / فن الهندسة الوراثية / فن القتال !٠

ولقيت إن العلم عرف يطلع من الخية دي ببساطة أكبر لوضوح المسميات الوظيفية المدرجة تحته، يعني أختفى وصف “العالم” الكلاسيكي وحل محله: طبيب / مهندس / كيميائي / فيزيائى / صيدلى /٠٠إلخ.   وكمان لقيت إن مفيش مخلوق -مش بس إنسان- معندوش ثقافة، فمجرد ارتباطه بمكان ليه ظروف محددة يبقى عنده ثقافة، وليه ردود أفعال في مواقف معينة مردودها على أقرب تقدير هو تلك الثقافة٠

***

ممم.. يمكن مهم أن يبقى فيه بدائل متخصصة لكلمة فنان أو مثقف، لو متفقين معايا على المبدأ في كونهم صفات مش وظائف أو أدوار.  أكيد طبعاً فيه وظائف حالية يمكن إدراجها تحت المسميين، لكن هدف تلاشيهم كتصنيفات محتاج وضع تخصصات تعريفية أكتر بكتير٠٠ يمكن كمان محتاج قاموس متخصص٠٠

أو يمكن ببساطة محتاج تفعيل خواصهم كصفات٠٠ يعنى اللي يخلينا قادرين نتقبل “كريم” كإسم شخص مش بس صفة وكذلك: شريفة / سعيدة / حليمة، يخلينا نقبل فنان / فنانة –  مثقف / مثقفة كأسماء٠٠

يمكن ساعتها الموضوع يبقى أوقع٠

نص لـ: أحمد فولة

كرم مطاوع

Advertisements

4 Comments to “متلازمة المثقف / الفنان – أحمد فولة”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: